尋晚出席中學同學飯局聚會，老實講，唔可以話熟，因為畢業後我同佢地已經無晒聯絡。今年年初，因為其中一個同學的盛意邀請，所以開始出席番佢地圍內的慶生飯局。
講番尋晚的聚會先，原本我唔打算去，因為雖然我已經出現左好幾次，但係仍然有好強烈的 outsider 感覺。唔知係我慢熱，抑或佢地太老友，直覺地我始終入唔到呢個圈子。
不過俾面今次的壽星，所以我都有去，皆因壽星就係當日嘗試踢我入會那個。而且尋日係佢正日，唔去點得。
事件一：其中一人問壽星做咩唔攜眷，亞嫂都係九月之星。
事件二：大家傾黎緊既慶生飯局，數完十一月就數出年二月。
本來獨立地兩件事係無咩問題，但一齊發生就令我感觸良多，我切切實實地知道無人當我係一份子，縱使我都係同校同屆畢業生。我了解，時間過左就係過左，追唔番。
人來人往本是平常，呢樹頻率唔夾就無謂勉強自己勉強人。
