影婚紗相間 studio 唔包禮服，所以我地要自己去搵婚紗公司租衫。好彩呢兩件婚紗我可以話係一試鍾情，揀衫過程只係用左一個鐘頭，全程快靚正搞掂，絕無燥底。
一件好多層次但平腳，一件簡單款式但拖尾，兩件都係我至愛既 low cut，我覺得 low cut 著得我瘦呀嘛。另外買左條純白色連身裙，用黎影沙灘落水相時著。
女仔特別多 item，除左靚衫之外，仲有靚靚首飾。我揀左四條頸鏈，都係 simple and timeless 既款式，唔知係咪年紀大左，愈黎愈鍾意簡單既野。
set 頭化妝亦已經同化妝師溝通左，一切以自然簡約為大前提，一定唔會出現唔認得新娘子既情況，更加唔要三幾年之後睇番 d 相俾人問咩年代影。
