剛影左 pre-wedding photo，超級勁開心，要同大家分享~
我同男友今年八月先決定出年二月結婚，由於時間緊迫，所以 pre-wedding photo 一定要 "一擊即中"，唔可以話影完呢輯唔鍾意再影第二輯。身邊朋友都推介左好多俾我，煲完一輪 forum 同 blog，行埋 expo，最後決定找 The Stage 的 Kenneth So 影。
上個月尾約左上去 Kenneth 公司傾影相事宜，就係八號風球果日，但因為我跟住好忙，所以打風都照上去。好開心，我完全感受唔到 Kenneth 唔耐煩想快 d 傾完走人，反而覺得佢好有耐性慢慢聽我地講想點影添。
早兩日影相啦，我同男友都係唔怕醜玩得之人，想影 d 特別野，所以全日上山下海都齊晒，甚至走上迴旋處影添，仲影埋我要求的放狗狗相，同男友要求的蘭桂坊。由朝早 10:00 開始，影到凌晨 0:00 先收工，辛苦晒大家~
特別想講係其中一站我地影沙灘，我同男友係真係落水影的，水深到我地大腿。不過最落力最訓身唔係我地，係 Kenneth，因為佢係走左出海影番入岸邊，d 水係到佢膊頭架 !!! 我當時都嚇一嚇，點會有搵食的攝影師為影相博到咁盡架，好佩服 !!!
影到夜晚，男友開始笑唔出，Kenneth 同 Lawrence 就勁搞氣氛引我地笑。無錯，係 Lawrence Tsang 呀，佢當日做助手呀，十萬個驚喜呀 !!! 我同男友都覺得賺晒 !!!
本來我預計影外景會勁辛苦勁燥底，但我地當日都好 enjoy 好開心，好似玩左一日咁，真係好衷心多謝大家 !!! 雖然未有相睇，但係我地都好有信心一個咁有熱誠的攝影師，影出來的效果肯定會好好。
在籌備婚禮呢單工程上，我同男友已經有一個好難忘的經歷，一段好美好的回憶，呢 d 係最最最最最珍貴 !!!
我同局長都非常滿意 Kenneth 的態度同熱誠！同特別多謝 Lawrence 做助手！同貓糊友情客串幫我地影 snapshot！有佢地三師徒三代同堂，我地一百萬個放心。
呢篇文本來我係放響 forum 的，我平時多數齋睇，好少出聲的，但今次真係忍唔住要出 post 讚 Kenneth。所以篇文可能怪怪扡，只提男友無講局長，不過明架啦，嘻~
