亞妹由里斯本帶來聖誕裝飾，我一於發揮下我的藝術零天份佈置酒店房，亞妹就乘機試新機。
除左裝飾之外，仲有亞妹廚房出品的 16cm 直徑麵包一大個，我地三扒兩撥火速鯨吞落肚，好好味呀！
食完野去玩啦，第一站係亞歷山三世大橋，本來條橋應該好浪漫，但咁岩附近有軍事演習同展覽，加上我地兩個太 hyper，所以氣氛完全同浪漫扯唔上關係。
好啦，正正經經影張到此一遊相先啦，日落巴黎幾鬼靚。
趁天未黑齊，快快脆脆同鐵塔影番張合照先。呢次鐵塔夜晚係著藍色燈呀，唔知慶祝歐盟乜鬼野呢？
第二日行程係去蒙馬特區的聖心教堂，天氣好好，行上教堂可以飽覽成個巴黎市既景色。
行到一半休息，亞妹又試機，捕捉到我十下十下的矇樣。
跟住去左凱旋門，跟手行埋香榭麗舍大街，都幾累呀。
圖中有幾多個靚女？答案係三個！亞妹將個 "幸福的肚" 收收埋埋，唔覺眼呢~
我諗我去巴黎去過三十次都有，呢次係最開心！
唯一遺憾係陪唔到亞妹食越南河粉，因為星期六就搵唔到，星期日搵到就唔開工，吹漲！
不過非常開心係我摸亞妹個肚時，小玲踢左一野呀！(小玲呢個乳名係我改架，呵呵呵~)
