織織復織織，菜鳥起勢織。其實手作仔真係唔係我強項，讀書時代既勞作同家政，我全都係印住印住合格與唔合格之間。雖然以前有織過頸巾，但都係上個世紀既事咯。
咁無端端做乜 pat pat 痕走去搞壇咁既野呢？
話說上次飯局，見到貓糊拎佢果條織緊既靚靚頸巾出黎，細問之下原來唔難織喎。佢仲話我知邊度有毛冷賣，又咁岩好近我喎，於是我團火就重燃啦。
買左三舊冷，返到屋企先知瀨野，我唔識起針呀！
因為呢隻冷既起針、織法、收針都同普通冷唔同，我武極都武佢唔掂，直情大叫救命想喊咁濟。幸得 "C&F 編織顧問" 靚女Auntie 出手相救，專程黎荃灣幫我補課。
呢條係第三條啦，一條比一條快，呢次兩個鐘就完成啦。之前兩條因為趕住坐飛機，唔記得同佢地拍照留念添。好開心，收到禮物既人初初唔知係手織，以為係買架！
