又到年尾結婚旺季，停左一排無俾人炸既我，呢個月坎兩次。

雖然收到紅色炸彈要破財，但係兩位準新娘都係我識左十年以上既朋友，唔係邊個個邊個，連名都叫唔出咁，意義當然唔同啦。睇見朋友搵到好老公，我都好開心！

以前我對喜帖唔會有咩特別既感覺，覺得佢只係通知我日期同地點，頂多咪睇下收利是定餅咭囉。但可能因為自己都籌備緊婚禮，開始對喜帖改觀。

中文或者無咁覺，但英文 invitation card 就好似好有意義啦。主人家籌備經年既婚禮，人生既一件大事，佢地邀請我參與其中呀。當然，我指非邊個個邊個都請那種.....

而且有時喜帖都好有個性既，例如新娘好鍾意 Hello Kitty，咁收到佢張帖又會覺得好係佢咁囉。另一張就走高貴路線，又係似番新娘平日都好高貴既感覺。

遲 d 我地張帖出世，大家會見到更加更加有我地既個性，因為張帖係 Lamji 幫我地設計架！Tailor-made 喎，梗係零舍唔同啦，好期待製成品入手呀！